Nigar Məmmədova: “Bələdiyyənin təşəbbüsü ilə qəsəbədə yeni nəsil küçə işıqlandırma sistemləri quraşdırılıb”
“Vətəndaş məmnunluğunu təmin etmək Xocəsən bələdiyyəsinin əsas prioritetidir”- bu fikirləri Belediyye.infoya adıçəkilən bələdiyyənin sədri Nigar Məmmədova deyib.
Sədr qeyd edib ki, bütövlükdə qəsəbə sakinlərinin rahatlığını, həyat səviyyəsinin yüksəldilməsini təmin etmək bələdiyyəyə olan inamı artırmağı hədəfləyir. Bələdiyyənin növbəti təşəbbüsü qəsəbənin Dinar Mustafayev və Ələsgər Məmmədoğlu küçələrində müasir infrastruktur çərçivəsində, ümumi uzunluğu 420 metr olan ərazidə günəş enerjisi ilə qidalanan yeni nəsil küçə işıqlandırma sistemləri quraşdırılmışdır. Bu addım ərazinin ekoloji təhlükəsizliyini təmin etmək, enerji səmərəliliyini artırmaq və sakinlərin rahatlığını təmin etmək məqsədi daşıyır.
Belediyye.info
Rəylər
0 Rəy