İsrafil Hüseynov: “Bələdiyyəyə üzv seçilən qadınların hər biri onlara göstərilən etimadi fəaliyyətləri ilə doğruldurlar”
“Bu gün cəmiyyətdə qadınların mühüm rolu var və bu rolun əhəmiyyəti günü-gündən artır. Hər bir sahədə, o cümlədən bələdiyyə idarəetməsində qadınlar Vətənimizin və dövlətimizin inkişafı naminə coxsaylı addım atır və töhfələrini verməkdədirlər. Bu gün aparılan dövlət siyasətinin nəticəsidir ki, bələdiyyə sahəsində də qadınların iştirak səviyyəsi və fəaliyyəti geniş vüsət alır” – bu fikirləri Xəzər rayonu, Buzovna bələdiyyəsinin sədri İsrafil Hüseynov deyib.
Sədr qeyd edib ki, son seçkidən sonra Buzovna bələdiyyəsinə seçilən 15 nəfərdən altısı qadındır. Bununla yanaşı bələdiyyədə gender məsələləri ilə bağlı komissiya yaradılıb və fəaliyyətdədir. Bu üzvlərin hər biri rayonun aktiv qadınlarıdır.
Buzovna bələdiyyəsinə üzv olan qadınların bələdiyyənin hesabat iclaslarında, aztəminatlı ailələrə dəstək məqsədli ziyarətlərdə, maarifləndirmə xarakterli tədbirlərdə mütəmadi olaraq yaxından iştirak edirlər. Bələdiyyəyə üzv seçilən qadınların hər biri onlara göstərilən etimadi fəaliyyətləri ilə doğruldurlar.
Xatırladaq ki, hazırda bələdiyyəyə üzv seçilənlərin 39 faizini qadınlar təşkil edir.
Belediyye.info
Rəylər
0 Rəy