“Şağan bələdiyyəsinin sədri, həmçinin bir ziyalı xanım olaraq ictimaiyyət arasında yetərli nüfuza malik olduğum üçün dünəndən etibarən barəmdə yayılan yalnış məlumatlara aydınlıq gətirməyi özümə borc bildim”- bu fikirləri Belediyye.infoya Xəzər rayonu Şağan bələdiyyəsinin sədri Sevinc Atayeva bildirib.

Sevinc Atayeva  bildirib ki, sədr vəzifəsində çalışdığım bir il müddətində  Şağan bələdiyyəsində bəzi problemlərin olduğunu aydınlaşdırdım. Bunlardan ən əsası saxta müqavilələrin aşkarlanması oldu. Bununla əlaqədar gördüyüm işlərin nəticəsində idarədə uzun illər çalışan işçilərindən üç nəfəri işdən azad olundu. Bunlardan birinə inzibati qaydada  Əmək Məcəlləsinin 186.2-ci maddəsinin “a” bəndinə əsasən Şağan bələdiyyəsinin 19.10.2022-ci il tarixli, 19 saylı Əmr ilə  töhmət verilib.

Bələdiyyədə təmizləmə işləri apardığımız, vergi yığımını 10 qat artırdığımız,  Şağan bələdiyyəsinin ötən illərdən yığılıb qalmış DSMF-na qalan  12.000 manat  borcunun tam şəkildə ödənməsi, bununla da bələdiyyənin son on ildə ilk dəfə olaraq bank hesabının açılması məhz bizim kollektivin birgə fəaliyyətinin uğurlu nəticəsi hesab edilməlidir.

İstənilən məlumatın dəqiqləşdirilməsi daha məqsədəuyğun olardı. Hansısa bir formada  rəsmi mənbəyə söykənməyən məlumatın yayılması Şağan bələdiyyəsinin, o cümlədən mənimdə yeni seçilmiş  sədr olaraq nüfuzuna xələl gətirir.

Media təmsilçilərindən bu məsələləri diqqətdə saxlamalarını xahiş edərdim.

Belediyye.info