Əlfəddin Həsənov: “Qəsəbə ərazisində olan şəhid və qazi ailələrinin hər bir müraciətini diqqətdə saxlanılmasını əsas vəzifəmiz hesab edirik”
“Azərbaycan dövləti şəhid ailələrinə, müharibə veteranlarına və qazilərə yüksək diqqət və qayğı göstərir. Prezident İlham Əliyev bütün dövlət qurumları qarşısında bu həssas təbəqəyə aid olan insanların problemlərinin həllini bir nömrəli vəzifə kimi müəyyən edib. Odur ki, bizdə Sabunçu bələdiyyəsi olaraq qəsəbə ərazisində olan şəhid və qazi ailələrinin hər bir müraciətini diqqətdə saxlanılmasını əsas vəzifəmiz hesab edirik”- bu fikirləri Belediyye.infoya adıçəkilən qəsəbənin bələdiyyə sədri Əlfəddin Həsənov deyib.
Sədrin sözlərinə görə, bələdiyyədə yaradılmış komissiya üzvləri qəsəbə ərazisində
olan şəhid və qazi ailələrinin hər biri
ilə mütəmadi olaraq görüşlər keçirir, onların sosial-məişət qayğıları ilə
maraqlanır, arzu və istəkləri nəzərə alınır. Hətta bir çox məsələlər bələdiyyə
iclasında müzakirəyə çıxarılaraq öz həllini tapır.
Sədr qeyd edib ki, bu günlərdə bir qrup qazinin müraciəti bələdiyyə
iclasında müzakirəyə çıxarılaraq həlli ilə bağlı addım atılmışdır. Belə ki, qazilərin
müraciəti əsasında Sabunçu bələdiyyəsi qəsəbənin Asif Əsədullayev küçəsində 800
kv.m və məhəllədaxili yola asfalt örtüyü salınaraq abadlaşdırma işləri aparılmışdır.
Sədr qeyd edib ki, bələdiyyə bundan sonra da Sabunçu RİH -in təşəbbüsü ilə əhalinin həssas qrupları ilə bağlı layihələrin icrasını davam etdirəcəkdir.
Belediyye.info
Rəylər
0 Rəy