Bu gün ölkə RİH-ləri ötən ildəki fəaliyyətləri ilə bağlı ard-arda hesabat yığıncağı keçirir və çox operativ şəkildə yığıncaqlarla bağlı məlumatları sosial media platformalarında paylaşırlar. Aydındır.

Amma aydın olmayan məsələ odur ki, bir çox RİH-lərin keçirdiyi  yığıncaqda bələdiyyə sədrləri də çıxış edənlər sırasında olsalar da, bu çıxış barədə məlumatlarda hər hansı bir bilgi verilmir. Hətta paylaşılan məlumatlarda yığıncaq iştirakçıları sırasında bələdiyyə sədrlərinə yer ayrılmır.

Tədbirin təşkilində yaxından iştirak edən bələdiyyə, bütün kollektivlə yığıncaqda iştirak edən bələdiyyə, iclasda çıxış üçün söz verilən bələdiyyə sədrləri, hətta ixtisara düşən məmurlara qucaq açan bələdiyyə, amma RİH rəsmiləri yenə bu qurumların adlarını çəkməkdə maraqlı görünmürlər. Niyə, hansı səbəbə? Maraqlıdır, deyilmi.

Hər halda hesabat yığıncağında bələdiyyə sədrinin çıxışının siyahiya salınması RİH -lərin yox, məlumdur ki, yuxarı instansiyanin tapşırığıdır. Əslində bu bələdiyyələrə göstərilən növbəti bir diqqət, həm də bu qurumların üzərinə qoyulan məsuliyyətdir.

Belə başa düşmək olar ki, ixtisarlardan bəzi RİH rəsmiləri hələ də  nəticə çıxarmayıblar. 

Gəlin verilən tapşırığın məsuliyyətini hiss edək və nəticə çıxaraq.

 Belə çıxır ki, verilən tapşırığa bu cür münasibətin  sərgilənməsi nəticədə bu qurumların ləğvini qaçılmaz edəcək...

 Nə isə....

Vüqar Tofiqli