Gəncə şəhər Nizami Bələdiyyəsi və Gəncə şəhər  Heydər Əliyev Mərkəzi Ümummilli Lider Heydər Əliyevin anım günü ilə əlaqədar  “Heydər Əliyev- Xalqın ürəyində yaşayan lider” mövzusunda tədbir keçirib.

Tədbirdə Gəncə şəhər Nizami bələdiyyəsinin sədri və əməkdaşları iştirak ediblər. Tədbirdən əvvəl tədbir iştirakçıları Ulu Öndər Heydər Əliyevin Xatirə Muzeyi ilə tanış olublar.

Tədbirdə Gəncə şəhər Nizami bələdiyyəsinin sədri Qoşqar Məmmədov, Gəncə şəhər Heydər Əliyev Mərkəzinin direktoru İlknur İsgəndərova, Mərkəzin elmi işçisi Gülər Ellazova, Mərkəzin bələdçisi Könül Süleymanova və Nizami Bələdiyyəsi Ümumi şöbənin müdiri Gülcahan Qəhrəmanova çıxış edərək qeyd ediblər ki, biz müasir Azərbaycan dövlətçiliyinin banisi, xalqımızın böyük oğlu, Ulu Öndər Heydər Əliyev öz misilsiz xidmətləri, dövlətçilik ideyaları və müdrik siyasəti ilə Azərbaycan tarixində silinməz iz qoymuş, ölkəmizin inkişaf istiqamətlərini müəyyən etmiş böyük şəxsiyyətdir.

Ümummilli Lider Heydər Əliyevin rəhbərliyi ilə həyata keçirilmiş islahatlar, dövlətçilik ənənələrinin möhkəmləndirilməsi və milli birliyin təmin olunması Azərbaycanda sabitliyin, tərəqqinin və güclü dövlət ideyasının əsasını formalaşdırdı.

Heydər Əliyevin zəngin irsi Azərbaycan xalqının qürur mənbəyidir və gələcək nəsillərin milli düşüncəsinin formalaşmasında mühüm rol oynamaqda davam edir.

Ulu Öndər Heydər Əliyevin layiqli davamçısı İlham Əliyev və Azərbaycan xalqı onun xatirəsini daim yaddaşlarda yaşadacaqdır.

Sonda Azərbaycan xalqının Ümummilli Lideri Heydər Əliyevin əziz xatirəsinə həsr olunmuş qısa video çarxı nümayiş olunub..

Gəncə şəhər Nizami Bələdiyyəsi