Nicat Səmədzadə: “Bu tədbirləri keçirməklə Azərbaycan dövlət suverenliyini tam bərpa etmiş oldu”
“Müzəffər Ali Baş Komandan, Prezident İlham Əliyevin qətiyyəti, cəsarətli qərarları və xalqımızın birliyi, şəhidlərimizin qanı, qazilərimizin fədakarlığı nəticəsində torpaqlarımızın işğaldan azad olunması sadəcə hərbi qələbə deyildi, həm də milli ruhun, ədalətin, tarixi haqqımızın bərpası idi”- bu fikirləri Belediyye.infoya Siyəzən bələdiyyəsinin sədri Nicat Səmədzadə deyib.
Sədr bildirib ki, dünya hərb tarixinə nadir əməliyyat
kimi düşən 2023-cü ilin antiterror tədbirləri ilə Azərbaycanın dövlət
suverenliyini tam bərpa etmiş oldu.
Sədr həmçinin Qarabağ və Şərqi Zəngəzurun dövlətimizin
apardığı bərpa və quruculuq işləri nəticəsində qısa zamanda cənnətə çevrildiyini,
qədim yurd yerlərinə sürətli köçün başlandığını deyən sədr bu dinamik inkişafı Azərbaycan xalqının
yenilməz ruhunun, sarsılmaz iradəsinin, dövlət-xalq birliyinin təntənəsi
adlandırıb.
Açıqlamasında sədr daha sonra Azərbaycanın
qazandığı şanlı Qələbənin əhəmiyyətindən danışaraq şəhidlərimizin, qazilərimizin
qəhrəmanlıqlarını önə çəkib, onların sosial müdafiəsi üçün görülən işləri qeyd
edib. Tarixi torpaqlarımızda Prezident İlham Əliyevin birbaşa rəhbərliyi ilə
aparılan sürətli quruculuq işlərini vurğulayan Nicat Səmədzadə burada həyatın
qısa müddətdə yenidən canlanmasının dövlətimizin gücünü və xalqımızın iradəsini
nümayiş etdirdiyini bildirib.
Şəhid və qazi ailələrinə dövlət qayğısından danışan
sədr bu işdə Siyəzən bələdiyyəsinin də öz dəstəyini göstərdiyini, bu məqamın bələdiyyənin əsas vəzifələrdən
biri olduğunu vurğulayıb.
Hər bir şəhid və qazi ailəsinin müraciəti bələdiyyə tərəfindən diqqətdə saxlanılır. Siyəzən bələdiyyəsinin həyata keçirdiyi layihələrin bir çoxunda məhz şəhid qazi ailələrinin təklif və tövsiyələri nəzərə alınır.
Belediyye.info
Rəylər
0 Rəy