Şabran Bələdiyyəsi şəhidlərin əziz xatirəsinə ehsan süfrəsi təşkil edib
8 Noyabr – Zəfər Günü ərəfəsində Şabran Bələdiyyəsinin təşəbbüsü
və təşkilatçılığı ilə şəhidlərin ruhuna ehsan süfrəsi açılıb.
Tədbirdə şəhid ailələri, bələdiyyə nümayəndələri, ictimaiyyət
üzvləri və din xadimləri iştirak ediblər.
Əvvəlcə Vətən uğrunda canından keçən qəhrəman şəhidlərimizin
əziz xatirəsi bir dəqiqəlik sükutla yad olunub, daha sonra Qurani-Kərim tilavəti
oxunaraq dualar edilib. Ehsan süfrəsində şəhidlərin ruhuna dualar səsləndirilib,
onların keçdiyi şərəfli döyüş yolu, qəhrəmanlığı və xalqımızın böyük Zəfərinə
verdikləri töhfələr hörmət və minnətdarlıqla xatırlanıb.
Çıxış edənlər 8 Noyabr Zəfər Gününün xalqımızın milli
iftixar və qürur mənbəyi olduğunu, bu tarixi Qələbənin Müzəffər Ali Baş
Komandan Cənab İlham Əliyevin rəhbərliyi və Azərbaycan Ordusunun rəşadəti sayəsində
əldə edildiyini vurğulayıblar.
Tədbir zamanı şəhid ailələri göstərilən diqqət və qayğıya
görə Şabran Bələdiyyəsinə və onun sədrinə Fidan Fərzəliyevaya təşəkkürlərini
bildiriblər.
Sonda şəhidlərin ruhuna ehsan süfrəsi açılıb, vətənpərvərlik ruhunda söhbətlər aparılıb və birlik, həmrəylik, vəfa kimi dəyərlərin daim qorunmasının vacibliyi qeyd olunub..
Şabran bələdiyyəsi
Rəylər
0 Rəy